trixexo

ra'i Wikipedia
plipe tyobu: ckupau, sisku
trixexo
le ka selckape cu jutre'i tcini
mivyske jutsi
baljutsi: Animalia
xadytaijutsi: Chordata
klejutsi: Mammalia
grijutsi: Sirenia
lazyjutsi: Trichechidae
jijyjutsi: Trichechus
relpau cmene

Trichechus inunguis
Trichechus manatus
Trichechus senegalensis

lei trixexo cu klesi le'i mabru .i lo trixexo cu barda gi'e xabju loi djacu .i lo trixexo goi ko'a cu frica lo mabrdugongi le tarmi be le rebla .e le sedbo'u .i ko'a cu citka loi djacu spati .i lei trixexo cu xabju lei caxno djacu .e lei cimtu'a vi lei xaskoi poi srana le ketco .e le bemro .e le xamsi po'u la karib. .e le stici bele friko

ni'o pa se trixexo po'u la'o .lat. Trichechus senegalensis .lat. cu xabju le stici be le friko vi le xaskoi .i lo drata po'u la'o .lat. T. inunguis .lat. cu xabju le stuna be le ketco vi le xaskoi .i le cimoi po'u la'o .lat. T. manatus .lat. cu xabju le plugri be fi la karib.

ni'o so'e da cu jinvi ledu'u lei trixexo poi xabju la floridas. cu drata fileka se trixexo .iku'i la itis. cu xusra ledu'u lei xabju bei la floridas klesi la'o .lat. T. manatus .lat. .i lo trixexo pu'i mitre li su'o 4pimu gi'e xabju loi silna djacu ba'e .a loi na'e silna djacu .i zo'e puzu kalte ko'a lenu cpacu loi grasu .e loi rectu .iku'i ko'a ca se bandu lo flalu lezu'o kalte

ni'o lo trixexo cu so'iroi girzu vi lo fanri be lei dikca be'o noi glagau lei vi djacu .i lei trixexo goi ko'e cu pu co'a lacri le di'u krasi be loi na'e rarna kamgla .i ki'u la'edi'u ku ko'e co'u citsykla le dunra loi glare zmadu djacu .i so'i dikca fanri cu co'i se sazysti .iseki'ubo le merko ke finpe je cilce sefygri cu troci lenu finti lo cnino tadji belenu glagau lei djacu