treci'e

ni'o lo treci'e goi sy.ibu cu ciste lo nu pilji lo gradu .e lo tenfa be li pano .i lu sy.ibu li'u cu sinxa zoi fy. Système International d'Unités .fy. noi se fanva fu lu rolnai ke gradu ciste li'u

ni'o cmugradu

.i sy.ibu se jicmu ze gradu

• .i lo si'o mitre cu gradu fi lo nilcla
• .i lo si'o ki'ogra cu gradu fi lo niltilju
• .i lo si'o snidu cu gradu fi lo temci
• .i lo si'o xampo cu gradu fi lo dicfle
• .i lo si'o kelvo cu gradu fi lo nilgla
• .i lo si'o molro cu gradu fi lo majlai
• .i lo si'o delno cu gradu fi lo ni gusycai

.i ro drata gradu cu se zbasu fi le ze di'u .imu'a lo niutni noi nilca'e cu ki'orgratrefi'unidysnidu .iva'i lo nu catke lo stodi ki'ogra be li pa sela'u lo niutni be li pa cu rinka lo nu lo bi'unai ki'ogra bazi lo snidu be li pa cu muvdu sela'u lo trefi'usnidu be li pa

ni'o tefrafsi

zoi ry.	.ry. rafsi zoi	noi selsmu li pano te'a	gi'e se sinxa me'o
got	gotro	24	Y
zet	zetro	21	Z
xex	xexso	18	E
pet	petso	15	P
tet	terto	12	T
gig/gi'o	gigdo	9	G
meg	megdo	6	M
ki'o	kilto	3	k
xet/cto	xecto	2	h
dek	dekto	1	da
dec	decti	-1	d
cen	centi	-2	c
mil	milti	-3	m
mik	mikri	-6	µ
nav	nanvi	-9	n
pic	picti	-12	p
fem	femti	-15	f
xat	xatsi	-18	a
zep	zepti	-21	z
goc	gocti	-24	y

ni'o citri

.i lo skepre cu darlu tu'a lo dekcmu mreci'e co'a lo 1640moi .iku'i noda flalu ra pu lo fraso trununga'i noi cfari'a lo dekydei jeftu detci'e ji'a .i la dizgug. noi vasru la belgium. gi'e darlu tu'a la letseberg. ku'o cu te flalu tu'a lo treci'e ca lo 1820moi .ije la jexygug. go'i ca lo 1840moi .ibabo loi drata gugde cu sutra te flalu ra

ni'o ca'o lo 1812moi bi'i 1840moi la napoleon. cadgau le flalu be tu'a lo treci'e bei la yucecengiz fasygug .ija'ebo lei fraso cu kalsa lo nu merli .ibo le nu lo bunda cu grake li 498.6 .e li 500 cu cfipu .iseni'ibo ca'o lo 1820moi bi'i lo 1840moi la dizgug. po'o te flalu tu'a lo treci'e .i la fasygug. pamoi ke treci'e gugde .iku'i la dizgug. clamaure'i ke treci'e gugde

ni'o pamoi mitre fo piki'oki'opa lo jedji'o bi'i lo mijycukla