tokiponas

la .tokiponas. no'u la'o zoi. toki pona .zoi bau ri ge'u goi ko'a cu runbau poi se finti la'o gy. Sonja Lang .gy de'i li ny. 2001 .i ko'a mutce sampu ki'u lo ka se jicmu le gerna be lo natpenbau .iji'a ko'a simsa lo natpenbau lo ka so'u da cu valsi fi ce'u .ibo lei ty valsi cu pa ji'i re no mei po'o

.iga'i ko'a bangu loi fenki ni'i lo za'i ri krici lo du'u lo nu jimpe cu cumki lo nu pilno pa ji'i re no po'o valsi

	toki pona
no	ala
pa	wan
re	tu
ci	tu wan/mute
vo	tu tu/mute
mu	luka/mute
xa	luka wan/mute
ze	luka tu/mute
bi	luka tu wan/mute
so	luka tu tu/mute
pano	luka luka/mute

ni'oni'o banba'uci'e

le banba'uci'e ji'a be la .tokiponas. cu sampu .i so'u92 da slaka ko'a .i di'e cu slaka

a	ka	la	ma	na	pa	sa	ta	wa	ja
e	ke	le	me	ne	pe	se	te	we	je
i	ki	li	mi	ni	pi	si		wi
o	ko	lo	mo	no	po	so	to		jo
u	ku	lu	mu	nu	pu	su	tu		ju
an	kan	lan	man	nan	pan	san	tan	wan	jan
en	ken	len	men	nen	pen	sen	ten	wen	jen
in	kin	lin	min	nin	pin	sin		win
on	kon	lon	mon	non	pon	son	ton		jon
un	kun	lun	mun	nun	pun	sun	tun		jun

.i lepu'u bacru zoi .ty. ti ji wo wu .ty. cu nandu da'i le'e se bangu be ko'a .i ga lo karsna po'o cu slaka gi le slaka cu li'erpau lo valsi

ni'o so'e se bacru te lerfu cu simsa lo lojbo .iku'i zoi .ty. j .ty. cu te lerfu filo lojbo se bacru po'u zoi .ly. i .ly .imu'a ri simsa le se bacru pe zo .ia .iji'a zoi .ty. w .ty. cu te lerfu filo lojbo se bacru po'u zoi .ly. u .ly .ibo ri simsa le se bacru pe zo .ue

ni'o le se bacru te lerfu po ko'a cu mutce mleca le lojbo leka satci .i pada cu lerfu fi lo voksa .e lo to'e voksa

ni'oni'o gerna

le gerna beko'a cu mutce sampu .i gy cu jicmu le gerna bela tokpisin. noi sampu natpenbau .i lo gauvla cu pamoi le'i jufra valsi .i gonai zoi .tok. mi .tok. no'u zo mi ge'u .a zoi .tok. sina .tok. no'u zo do cu gauvla gi zoi zoi. li .zoi no'u zo cu cu te sepli lo gauvla lo bridi