strutione

.i la'o zoi. Wikipedia .zoi krasi
?strutione
zu'a nakni gi'e ri'u fetsi
zu'a nakni gi'e ri'u fetsi
saske terganzu
baljutsi: danlu
xadytaijutsi: skoselti'e
klejutsi: cipni
grijutsi: Struthioniformes
lazyjutsi: Struthionidae
jijyjutsi: Struthio
frejutsi: S. camelus
kuspe
kuspe

S. camelus australus S. camelus camelus S. camelus massaicusS. camelus syriacus


ni'o lo strutione no'u la'o ly Struthio camelus ly cu barda cipni gi'e se krasi lo friko .i sy traji lo ka barda kei .e lo ka tilju kei lo ca jmive cipni .i sy na vofli gi'e ku'i kakne lo nu bajra la'u lo ki'otrefimcacra be li 70 fau lo nu pilno lo nalci lo nu lanxe

ni'o ve skicu[binxo | stika lo krasi]

ni'o lo strutione cu mutce barda cipni .i lo cnebo jo'u lo tsali tuple cu clani je pimcau .i lo jamfu cu se fanmo lo re degji noi ge lo nenri me ke'a cu se jgalu gi lo bartu me ke'a cu na se jgalu .i lo makcu nakni cu xekri se pimlu .i lo fanmo pimlu cu blabi .i lo fetsi jo'u lo citno nakni cu gruzi bunre se pimlu

ni'o se tarti[binxo | stika lo krasi]

ni'o lo strutione cu ta'e citka lo tsiju jo'u lo dzispa jo'u lo srasu jo'u lo grute jo'u lo xrula .i ta'e nai go'i lo cinki jo'u lo cmalu respa .i ji'a sy tunlo lo cmalu rokci noi sidju lo citru'e .i sy kakne lo nu na pinxe lo djacu ze'a lo djedi be li so'o

ni'o ze'a lo dunra lo strutione cu ta'e pamei ja remei xabju .i ze'a lo rorci citsi cu gunma lo mu ji'i muno mei noi se lidne lo ralju fetsi .i cafne fa lo nu cadzu kansa lo drata ke sasycti danlu

ni'o lo strutione cu kakne lo nu zu ganse lo kalte lo viska je tirna vlipa .i sy ca lo nu ckape cu bajra .i ku'i kakne lo nu jursa xrani ja catra lo gunta fau lo nu tikpa fo lo vlipa tuple .i ranmi po'o fa lo nu lo strutione cu setca lo stedu lo dertu tezu'e lo nu sezymipri

ni'o nu rorci[binxo | stika lo krasi]

ni'o lo strutione cu co'a cinse makcu ca lo nu nanca li 2 ji'i 4 .i lo nakni cu ta'e cmoni fi lo nu xusra lo nu jinga lo fetsi re ji'i ze mei .i lo snada nakni cu rorci fi lo so'o fetsi gi'e ku'i jorne kansa lo pa po'o ralju fetsi

ni'o lo nakni cu tigni lo nu nalci dansu kei lo fetsi .i lo re mei cu sasycti co'u lo nu kansa simxu tatri .i ca ku lo nu citka cu vajni jdika .ije lo nu tarti cu co'a ritli simlu .i lo nakni cu za'u re'u nalci dansu gi'e co'a tunta lo dertu lo ja'urxe'a gi'e vlile desygau lo nalci fau lo nu sinxa lo nu zbasu lo zdani bu'u lo dertu .i caku lo fetsi cu sruri bajra gi'e ba bo farlu lo dertu .i lo nakni cu cpana gi'e gletu

ni'o lo fetsi cu punji lo sovda lo kampu zdani noi sampu kevna gi'e ganra mitre li ji'i 3 gi'e condi centre li 30 ji'i 60 .i lo cnano sovda cu centre li 15 gi'e ki'ogra li 1.4 .i lo sovda cu se gacri lo fetsi ca lo donri gi'e lo nakni ca lo nicte .i lo nunsovgai cu djedi li 35 ji'i 45