jinmrtitani

ni'o lo jinmrtitani goi ko'a cu ratni li 22 li 47pi867 fi'o sinxa la'o xy. Ti xy. gi'e linto je tsali je jinminra je sfefurfanta je rijblabi jinme

ralju steci

ni'o ko'a cu sezyfanta lenu le sefta cu fusra le slami .e le cilmo kliru gapci .e le kampu silna teryrunta

gundi terpilno

ni'o ji'i pisomu le kunra jinmrtitani cu selru'e file jinmrtitani joi kijno no'u la'o xy. TiO₂ xy. tepi'o le caiblabi selcinta noi pilno ke'a le cinta .e le papri .e le denpesxu .e le slasi

jmive terpilno

ni'o ko'a cu mapti lo remna xadni gi'e ganra selpli fi le micpli .e le xadni pujne'imi'i

citri

ni'o ko'a cu sepfa'i la uili,ym.gregor. de'i le 1791moi

terkunra

ni'o ko'a cu ganra fatri gi'e fadni terfa'i nenri le selro'i no'u lo kunrnatasi .e lo kunrbruke .e lo kunrxilmene .e lo kunrperofski .e lo kunlrutilo .e lo kunrtitani .e so'i le tirse kunra .i lo kunlrutilo .e lo kunrxilmene cu ralju kunra .i lo sralygu'e .e lo kadnygu'e .e la nuziland .e la noreg .e lo vurgu'e cu te kunra ko'a lo barda kunrxilmene

ni'o le sepli jinmrtitani cu kampu selru'e le me la'o gy. Kroll gy. pruce

teryratni

ni'o le rarna jinmrtitani cu selcme mu le stodi jinmrtitani teryratni no'u la'o xy. ^46Ti xy. .e la'o xy. ⁴⁷Ti xy. .e la'o xy. ⁴⁸Ti xy. .e la'o xy. ⁴⁹Ti xy. .e la'o xy. ⁵⁰Ti xy. gi'e selcme le papa di'erfusra teryratni

kanro joi javni steci

ni'o ko'a cu tolvindu le remna gi'e nalgau lenu jmive terpilno ne'i le remxadni .iku'i le spati cu cumki pilno le jinmrtitani lenu selspu le tabdro pruce gi'e mukti lenu spati banro