iosef.ben.matitia'uv

.i la'o zoi. Wikipedia .zoi krasi
la iosef poi bersa la matitia'uv

ni'o ni'o no mo'o la iosef poi bersa la matitia'uv ku'o zi'e no'u va'i la'o zoi Iosef ben Matitiahu יוסף בן מתתיהו zoi goi ko'a pu xebro je circre .i je ko'a ca lo nu binxo lo latmo je'acmi cu selme'e zoi ly Titus Flavius Josephus ly no'u va'i lu titus flA,ui,us IOsepus li'u .i je ko'a jbena fi li ji'i no no ci ze gi'e mrobi'o de'i li ji'i no pa no no .i je lo jdaca'i .e lo nolraitru cu dzena ko'a .i je ko'a zgana lo nu daspo la iyrucaloi,im de'i li no no ze no .i je loi selfi'i be ko'a cu ca vajni lo nu jimpe fi lo brojda be ca'o lo pa moi ctona'a

ni'o ni'o pa mo'o selfri[binxo | stika lo krasi]

ni'o ko'a cu damba loi latmo va'o lo nunjamna be loi xebro bei loi latmo bei de'i li no no xa xa bi'o no no ze ci .i ca bo ko'a xebro ke jamna catni bu'u la galil .i je ku'i ko'a va'o da poi nadyseljmi ku'o gau vo'a cu binxo lo pinfu be lo latmo jenmi bo pagbu poi gunta la galil de'i li no no xa ze .i je ko'a cu jungau loi latmo fo lo ca'o nunprojamna .i loi latmo sonci cu se jatna la uespasianus .e la titus poi bersa .u bu .i je .u bu .e ty ba za latmo nolraitru .i ko'a de'i li no no xa so cu se zifcru .i je ko'a du'o vo'a de'i li no no ze no cu jansu loi latmo lo nu sisti lo nu sruri seirgau la .iyrucaloi,im

ni'o ko'a de'i li no no ze pa se pa'u lo bende pe la titus cu klama la romas .i je ko'a binxo lo latmo je'acmi .i se ki'u bo ko'a cu selme'e ji'a lu titus flA,ui,us IOsepus li'u .i ji'a lo nu ko'a xabju lo pu zdani be la .uespasianus cu selcru .i je ko'a se dunda lo tumla be la .iudai,as be'o .e so'o velne'u jdini .i ko'a ca lo nu zvati la romas cu finti ro da poi nau slabu

ni'o ko'a de'i li ji'i no no ze no cu za'e zazyspesti lo pa moi gi'e spebi'o lo xebro be ra'i la iskandari,iat .i je ri fi ko'a rorci fe lo re mei no'u la noi bersa flA,ui,us .urkanus jo'u lo re moi noi no da selju'o fi ke'a .i ko'a de'i li ji'i no no ze mu cu za'u re'u za'e zazyspesti gi'e ci re'u spebi'o .i je ko'a rorci lo re bersa no'u la flA,ui,us .iustus jo'u la simonides .agripas

ni'o ni'o re mo'o selfi'i[binxo | stika lo krasi]

ni'o ko'a finti vo cukta

  • i pa mai ko'a de'i li no no ze mu cu finti la'e la'o xy Ἰστορία Ἰουδαϊκοῦ πολέμου πρὸς Ῥωμαίους xy to lu citri lo nunjamna be loi xebro bei loi latmo li'u toi .i ko'a ve cu'u lo se go'i cu skicu lo bi'u nai nunjamna poi renvi de'i li no no xa xa bi'o no no ze ci ku'o .e ji'a lo selzu'e be ko'a bei va'o ra .i ko'a finti lo bi'u nai cukta bau lo banrxarama gi'e ba za fanva cy lo xesybau
  • i re mai ko'a de'i li no no so vo cu finti la'e la'o xy Ἰουδαϊκὴ Ἀρχαιολογία xy to lu xebro tolci'o bo citri li'u toi .i lo se go'i cu citri be lo xebro natmi be'o co temci be lo nu lo munje cu cfari bei lo nu lo bi'u nai nunjamna cu cfari .i la'e la'o ly Testimonium Flavianum ly to lu velji'i ra'i la fla,ui,us li'u toi cu pagbu lo go'i gi'e pa moi lo'i selci'a vreji be fi la .iecu,yx bei ve cu'u da poi nalxi'o .i je ku'i loi selte'i tadni cu na'e mulno birti lo du'u lo go'i cu je'a se finti ko'a .e nai lo balvi je xriso jmina bo finti
  • i ci mai ko'a de'i li no no so ze cu finti la'e la'o xy κατ' Ἀπιώνος xy to lu darlu fapro la .apion li'u toi .i lo se go'i se cu'u loi xelso cu bandu lo xebro ke kulnu je lijda
  • i vo mai ko'a de'i li no no so so cu finti la'e la'o xy Ἰωσήπου βιὸς xy to lu jmive selfri la .iosef li'u toi

i lo du'u la'e lu selsku fi loi xelso la .aides li'u se finti ko'a kei pu se jinvi .i je ku'i nau la poi cesyvu'e .ipOliutos pe la romas jai se jinvi