fla,ui,us.klaudius.io,ui,anus

.i la'o zoi. Wikipedia .zoi krasi
sicni co pixra la poi latmo nolraitru iouianus

ni'o ni'o no mo'o la fla,ui,us klaudius io,ui,anus goi ko'a nolraitru lo latmo sosygugje'a i ko'a jbena fi li ji'i no ci ci re gi'e mrobi'o de'i li no ci xa vo pi'e no re pi'e pa ze i ko'a sonci i je lo nu ko'a nolraitru cu se cuxna le jenmi de'i li 363 pi'e no xa pi'e re xa ba zi lo nu la poi nolraitru iulianus cu mrobi'o ca'o lo nu jamna la erancar noi natmrfarsi je ke me la sasan seldze ke'e sosygugje'a

ni'o ni'o nu binxo lo nolraitru[binxo | stika lo krasi]

ni'o ko'a jbena fi li ji'i no ci ci re la singidunum to poi nau se cmene zo bE,ograd toi gi'e bersa le jatna be lei nolraitru nurgau be la poi re moi konstantius i ko'a ji'a cmibi'o lei nolraitru nurgau gi'e ba'o binxo le jatna be ri de'i li no ci xa ci i ko'a kansa la poi nolraitru iulianus ca lo tcexlali nu jamna la erancar pe fi'o turni la poi renvi capur be de'i zo'e bi'u nai i ba le pa cmalu je ku'i vajni nunda'a ge le latmo jenmi cu bai xrukla fi le bramau je me la erancar jenmi gi la iulianus se xrani gi'e se ri'a bo mrobi'o i se mu'i bo ko'a gasnu lo nu se prali fi le bi'u nai tcini i ca le bavlamdei la saturninus sekundus salustius noi tolci'o zi'e noi catnrpraifektu be le sunpau cu fitytoltu'i lo nu le no'a ba nolraitru kei le jenmi i se ki'u bo ri cuxna ko'a i la'e di'u cu mutce spaji i la amianus markelinus cu stidi lo du'u zo'e srera krici lo du'u ko'a du la iouianus poi ralju catnrnotariu zi'e poi ke'a ji'a te cuxna kei kei a lo du'u loi sonci ca lo nu zo iouianus cu se krixa cu srera tirna zo iulianus gi'e krici lo du'u la'e ri pu kanrybi'o

ni'o ni'o nu turni[binxo | stika lo krasi]

ni'o ko'a ba zi gasnu lo nu le nunxrukla poi la iulianus cfagau ke'a cu ranji i ca'o bo lo nu le me la erancar jenmi cu gunta le latmo jenmi cu ranji i ba bo le latmo jenmi cu snada lo nu tolcliva le korbi be la poi rirxe didjlet i ko'a bu'u le bi'u nai korbi poi mutce nenri la erancar cu bai cpedu lo nu tugni fi lo nu panpi to'e se va'u loi latmo i sa'e ko'a vecnu fo lo za'i le latmo jenmi cu snura kei fe lei mu latmo jecypau poi stuna la didjlet zi'e poi la galerius de'i li no re so bi cu sadgunta ke'a zi'e poi la diokletianus cu jmina ke'a ku'o e lo nu curmi lo nu la erancar ponse lo badydi'u be bu'u la nisibis e la kastramaurorum e la singaras i loi latmo cu ckeji le bi'u nai tertu'i i se ri'a bo ko'a sutra jdika lo ni ce'u se nelci i ko'a ba lo nu tolcliva la antioxei,as cu jdice lo nu sutra klama la konstantinupolis te zu'e lo nu stogau lo ka ce'u vlipa [na gendra]

ni'o ko'a xriso gi'e seljda drata la iulianus poi lamli'e ko'a gi'e pu troci lo nu gasnu lo nu lo nalje'ojda cu zenba lo ni seljda e lo ka ce'u se sinma i le sinxrlabaru pe la konstantinus fi'o turni ko'a cu za'u re'u jenmi sinxa i lo du'u ko'a xelfla fu lo pa lijda selcru fe lo nu lo zukte be lo makfa ritli ba jursa se sfasa kei e ku'i lo nu ro seltru be ko'a cu mulno zifre lo nu lijda krici cu se jinvi fi ko'a lo tolbanzu i ko'a mutce sinma la atanasius poi ko'a gasnu lo nu ke'a di'a catnrxarxiepiskopo zi'e poi ko'a djica lo nu ke'a ciska skicu lei la'orxi'ojda selkri i ko'a jicmu le vudvri po le pa xriso fikro'a be bau lo bangrsuriaia

ni'o ko'a ba lo nu ko'a ze'i lo masti be li bi cu turni cu mrobi'o de'i li no ci xa vo pi'e no re pi'e pa ze i ko'a ca'o lo nu xrukla la konstantinupolis cu morsi te facki ne'i le ckana be ne'i le ginka zdani be vo'a bu'u la dadastanas poi xadba jbini la ankiuras ce la nikaias i du'e ledgrute a lo vindu mantygapci be ra'i lo tabno sligu glagau bo fagri cu rinka la'e di'u

ni'o ni'o krasi[binxo | stika lo krasi]

ni'o krasi fa lo pe la uikipedias ge'u glico velfarvi be de'i li re no no ze pi'e ze pi'e re