casnu:airland

cmene lo gugde

ni'o zo irland na mapti lo je'u cmene be lo gugde bei bau lo glico a la'e zoi zoi Gaeilge zoi .i zo airlynd e zo eriys e zo eirin e zo eriyn cu matmau .i mu'o mi'e komfo,amonan 04:10, 25 la xamast. 2008 (UTC)

zo .irland. traji lo ka mapti lo cmene be le gugde bei bau so'e bangu .i je zo .airlynd. fange so'a prenu lo ka lerfu mu'o mi'e cmila 04:29, 25 la xamast. 2008 (UTC)

.i su'a da poi ke'a gugde zo'u lo cmene be da bei bau la lojban cu mapti lo cmene be da bei bau lo flalu ja nuntru bangu po da .i e'u ko catlu la jbovlaste .i ta'o xu do se slabu ba'e so'e je'u bangu vau zo'o .i mu'o mi'e komfo,amonan 16:01, 25 la xamast. 2008 (UTC)

.i go'i xi ci .i ku'i lo nu le go'i na stodi gi'e fangemau kei sarcu lo du'u go'i .i je la jbovlaste na casnu la .irland. goi ko'a .i go'i xi vo lo ka cmene ko'a zo'o .i ta'o do jinvi ma lo ka cmene loi gugde ca le nu glibau gi'a jbobau so'a prenu mu'o mi'e cmila 22:24, 25 la xamast. 2008 (UTC)

y mi naltce jimpe fi lo jufra be fi'e do bei pa'u zo sarcu to do cusku lu na stodi gi'e fangymau li'u .i fangymau ma toi .i va'o bo mi troci lo nu spuda fi di'e .i tu'e ma'a poi lojbo ku'o ki'u ma cu te preti da'i lo cmene be da poi gugde ku'o fo lo fange be da .i mu'a ma'a ki'u ma cu te preti lo cmene be la airlynd fo loi fraso a loi dotco .i xu lo cmene be da bei lo selgu'e be da cu na se sinma ei loi lojbo .i bi'u nai no cmene be la airlynd cu pagbu la jbovlaste .i je ku'i jy se pagbu so'i cmene be lo gugde tu'u

lojbo	glico	krasi
auskalerik	Basque Country	Euskal Herria
cangan	Hong Kong	香港 Xiānggǎng
ctiipyris	Albania	Shqipëria
djazair	Algeria	الجزائر
lietuvas/lietuvos	Lithuania	Lietuva
nederland	Netherlands	Nederland
noreg	Norway	Noreg
osteraix	Austria	Österreich
pyd	Tibet	བོད་
sakartulos	Georgia	Sakartvelo to mi na ponse lo bangrsakartulo lerfu vreji toi
suomen	Finland	Suomen
vlanderen	Flanders	Vlanderen
xelvet	Switzerland	Helvetia
xonkon/xyngon	Hong Kong	香港 Heung1 Gong2
xrvatsk	Croatia	Hrvatska

.i mu'o mi'e komfo,amonan 22:26, 26 la xamast. 2008 (UTC)