Duolingo
la'o gy. Duolingo .gy goi ko'a zi'e noi zo «.du'olingos.» .e lu «du'o lingo» .e zo «relbau» vu'o ji'a ke'a pu'i cmene cu samtci lo ka ce'u crecli tu'a lo bangu .i flapo'e ko'a gi'e favgau ko'a vau fa lo kagni poi ke'a ko'a selcmedu'i
ni'o lo tadji be lo ka crecli
[binxo | stika lo krasi].i na'o ku lo nu crecli se pi'o ko'a cu nu lo pilno cu spusku fi lo se retsku be ko'a .i so'o mei fa lo morna be lo bi'u nai preti
- .i mu'a lu «mo'oi valsi pe di'e cu smudu'i zo mlatu» li'u
- .i mu'a lu «mo'oi valsi pe di'e cu mapti zoi gy. «Didn't you ____ a leaf out of his book?» .gy» li'u
- .i mu'a lu «lu «lo gerku cu klama lo zarci» li'u smudu'i mo'oi porsi be su'oi lo valsi pe di'e» li'u
- .i mu'a lu «ko bacru zoi gy. «电子邮件» .gy» li'u
ni'o lo poi'i se pi'o ke'a jonse lo tutci
[binxo | stika lo krasi].i ra'u .akti fa ko'a ci'e lo kibrndilnu .i ge lo kibyca'o gi lo jai steci be ko'a ke fonskami samtci cu poi'i ka'e pilno ke'a lo ka ce'u jonse lo kibrndilnu pagbu ku noi pagbu ke'a fa so'a lo datni
ni'o ci'e lo kulnu
[binxo | stika lo krasi].i ta'e va'o lo nu lo pilno ko'a ze'a na pilno cu cpedu fi ri fa ko'a lo ka ce'u di'a pilno .i ga'a so'i lo pilno na ru'e nu malnu'e kei fa lo bi'u nai nu cpedu .i jalge lo nu go'i kei fa lo nu misno fa su'o pixra be lo nu lo kratrmaskota be ko'a ku noi ke'a crino gi'e glauka cu pu'o xrani lo de'a pilno be ko'a se pi'o lo xarci .i ta'e kansa lo bi'u nai pixra fa lo glico po'u zoi gy. «Spanish or vanish» .gy noi ka'e fanva ke'a fu lu «lo nu do crecli tu'a lo sanbau kei lo nu do canci cu zanmau» li'u