odbenu

ra'i Wikipedia
lo se plipe ckupau, sisku
?odbenu
Noaa-walrus22.jpg
saske terganzu
baljutsi: danlu
xadytaijutsi: skoselti'e
klejutsi: mabru
grijutsi: karnivora
vipygrijutsi: gersmi
kupylazyjutsi: pinpedi
lazyjutsi: Odobenidae
Allen, 1880
jijyjutsi: Odobenus
Brisson, 1762
frejutsi: O. rosmarus
relpau cmene
Odobenus rosmarus
(Linnaeus, 1758)
vipfrejutsi

O. rosmarus rosmarus
O. rosmarus divergens

ni'o lo .odbenu cu barda ke xabjauxa'u mabru gi'e xabju lo lenku ke tolzi'o braxamsi .i zasti fa re vipfrejutsi no'u la .atlantik. to la'o ly. Odobenus rosmarus rosmarus .ly toi jo'u la .pasifik. to la'o ly. Odobenus rosmarus divergens .ly toi .i lo .odbenu be la .pasifik. cu milxe bramau .i lo nakni cu ka'e ki'ogra li 1,800 .i lo me la .atlantik. nakni cu ka'e ki'ogra li 1,600 .i lo .odbenu cu frica lo xantypinpedi noi drata barda pinpedi

ni'o lo .odbenu cu cmima lo grijutsi po'u lo karnivora ge'u .e lo kupylazyjutsi po'u lo pinpedi .i lo .odbenu cu selte'i lo ka cmima lo lazyjutsi po'u la'o ly. Odobenidae .ly .i zo .odbenu cu se krasi zoi xy. odous .xy noi xelso valsi lo denci ku'o jo'u zoi xy. baino .xy noi xelso valsi lo nu cadzu ku'o ji'u lo nu zgana lo nu lo .odbenu cu pilno lo clade'i lo nu sezle'a lo djacu .i zoi ly. Divergens .ly cu latmo valsi lo sepybi'o noi ve skicu lo clade'i

jmive velfarvi[stika ti | stika lo krasi]

ni'o lo .odbenu cu xabju ze'a lo xadba be lo temci lo djacu gi'e xabju ze'a lo drata lo xaskoi .a lo bisli fulta vu'o noi barda bende jmaji .i ka'e xabju ze'a lo djedi be li so'i ga lo tumla gi lo xamsi .i ka'e jinru sfubu ve'a lo mitre be li 90 gi'e cnita stali ze'a lo xadba cacra .i bu'u lo xamsi lo .odbenu cu su'o roi kalte lo finpe gi'e ku'i ta'e sisku lo cakcurnu lo xamsi loldi .i lo .odbenu cu kakne lo nu sputu lo jetce be lo xamsi djacu te zu'e lo nu sisku lo cakcurnu noi barda pagbu be lo cidja .i lo barda ke nakni .odbenu cu su'o roi gunta lo kermipri pinpedi va'o lo nu na kakne tolcri lo drata cidja

ni'o lo .odbenu cu gletu bu'u lo djacu gi'e se jbena bu'u lo tumla .a lo bisli fulta .i lo rorci citsi cu dunra midju .i lo nakni cu sezja'o bu'u lo djacu .i je lo fetsi cu catlu bu'u lo bisli .i lo nakni cu gunta jvisi'u fi lo nunja'o diklo .i lo jinga be fo lo nu damba cu rorci fi lo so'i fetsi .i ba lo nu tarbygau kei lo sovda cu cando stali ze'a lo masti be li so'o .i ba bo lo masti be li so'o ke nerbei temci cu fasnu .i lo cifnu ca lo nu jbena cu mitre li pa gi'e kakne lo nu limna .i lo nu jbena cu fasnu bu'u lo bisli .i lo cifnu cu se ladydu'a ze'a lo nanca be li 2 gi'e kansa lo mamta ze'a lo nanca be li 3-5 .i lo fetsi cu ma'urbi'o ca lo nu nanca li 6 .i lo nakni cu go'i ca tu'a li 9-10 .i lo .odbenu cu mo'u nanca li ji'i 50

ni'o lo .odbenu cu rarna se bradi lo ci mei po'o no'u lo remna jo'u lo .orka jo'u lo blabi cribe .i lo blabi cribe cu kalte lo .odbenu ta'i lo nu gunta bajra fa'a .obu gi'e troci lo nu lo bende cu terpa bajra kei gi'e ba bo cuxna lo cifnu .a lo drata masno .i lo odbenu su'o roi catra lo blabi cribe .i lo .odbenu cu pilno lo clani clade'i lo nu damba gi'e jarco

terkancu[stika ti | stika lo krasi]

ni'o zasti fa lo ji'i 200,000 .odbenu be la .pasifik. be'o .e lo ji'i 15,000 .odbenu be la .atlantik.