gombesa

ra'i Wikipedia
lo se plipe ckupau, sisku
gombesa
mivyske jutsi
baljutsi: Animalia
xadytaijutsi: Chordata
klejutsi: Sarcopterygii
grijutsi: Coelacanthiformes
lazyjutsi: Latimeriidae
jijyjutsi: Latimeria
relpau cmene

Latimeria chalumnae
Latimeria menadoensis

ni'o lo'e finprkoilakanto ku to zoi xy. koilakanthos .xy se smuni lu kevna jesni li'u le xelso toi cu ke birka je ganxo se fipnalci be lo rectu stani selsra ke'e je ke cimei bo selpau je midju ji'a stani selsra ke'e finpe .i rokyvei selju'o finprkoilakanto ji'i paremu da .i sruma ledu'u detyja'o rokyvei tova'i jarco le se nanca be le rokci toi gi'e balvi be lo bakrycedra be'o morsi kei pu lenu tolcri lo jmive co'e kei te'e le stuna xaskoi be fi le nanfriko

ni'o le gombesa be la'o ly. Latimeria chalumnae .ly te facki fi la MARdjoris. letimr. de'i li 1938 .i le fipkalte bloti cu kavbu lo ranbo'ufi'e vi la tcalumnas. noi rirxe .ije la MARdjoris. noi muzga kurji gi'e ta'e sisku le ka cizra finpe cu viska lo blanu fipnalci noi cnita ry .i my vimcu le finpe le derxi gi'e bevri fy. le muzga tezu'e lenu facki lo du'u finpe ma kau .i la jylybys. smit. noi skepre cu se spaji lenu viska le finpe kei mu'i le du'u simsa lo finprkoilakanto noi te djuno fo le rokyvei ku po'o

ni'o sisku le ka finprkoilakanto piro le munje .ico'ubo facki le ka zvati la koMOR. i le'e prenrkomoro cu se spaji lenu pleji le mutce jdini fo lo gombesa noi xagme'a je vitci bo snuti bo selkavbu finpe .i le prenrkomoro ca jimpe le du'u vajni fa le du'u selckape jutsi kei kei gi'e platu fi lenu xruti ro vitci selkavbu gombesa le condi djacu tezu'e lenu ca'o jmive

Latimeria chalumnae

ni'o de'i li 1997 la .arNAZ. joi la mark. erdman. cu speli'u la bidgug. gi'e viska le cizra finpe mo'ine'i le zarci be vi la manadon. tu,as. .ije le speni cu zgaju'o le du'u gombesa fa le finpe .iku'i ri bunre gi'enai blanu to lai .erdman na djuno le du'u cnino jutsi kei pu lenu le certu cu viska le kacmyxra se pi'o la .ueb. toi .i le jutsi noi se valsi zoi by. rajah laut .by le bindo cu saske se cmene zoi ly. Latimeria menadoensis .ly