biork

ra'i Wikipedia
plipe tyobu: ckupau, sisku
biork.
Björk - Hurricane Festival.jpg
jbena 21 pi'e 11 pi'e 1965

ni'o la biork. to Björk Guðmundsdóttir [ˈpjœr̥k ˈkvʏðmʏntsˌtoʊhtɪr] toi goi ko'a cu sagypre je zgifi'i je tigypre ra'i la .istlant. .i za'a ko'a gu'e kucli sisku gi finti troci tu'a lo cnino ja rirci klesi co zgike .i ko'a ba'o te benji so'i lo si'arseldu'a gi'e ji'a te cumselsmadi le nu jivna fo 12 la'o gy. Grammy Award gy. .e 1 la'o gy. Academy Award gy.

clira lifri[stika ti | stika lo krasi]

ni'o ko'a goi la biork. co'a nu zgike lifri ca le mu'e gu'e verba li 11 gi se ctuca fi tu'a lo cilsau pipno bu'u le ckule .i le vreji be le zu'o ko'a sanga la'e pe la tinan.tcarlz. ku'o la'o gy. I Love to Love gy. cu se benji pa le ctuca la'o .ibu. RÚV .ibu. noi puca'o pamei ke cradi tcana ne'i la .istlant. le go'i se cradi fo loi selnatmi .i je pa le vipsi be fo la'o poi rejykag ku'o .ibu. Fálkinn .ibu ku ba le nu tirna ra cu friti ko'a tu'a lo zivle ke vreji cuntu .i je'abo cupra je gubgau le grizgi me'e la'o .ibu. Björk .ibu. ku de'i li 1977

ni'o fau li 1tu'o mivyselna'a ko'a ca'o se xlura le'i bedlaupatzgi .i ko'a se gunma ge le me'e la'o zoi Spit and Snot zoi fe'u bende gi le me'e la'o zoi Exodus zoi fe'u bende .i ba le pu'u ckule ke zgike tadni kei ko'a joi la .iakob.magnusn. ne snoslijgita cu se gunma lo'i drata bende po'u la'o zoi Jam-80 zoi ce la'o .ibu. Tappi Tíkarrass .ibu to se smuni lu nu tongau le malnixyganxo li'u .i ty. gubgau le selsa'a no'u la'o .ibu. Bítið Fast í Vítið .ibu. .e le grizgi no'u la'o zoi Miranda zoi de'i li 1983

ni'o baku finti simxu fa ko'a joi la .einar.urn.benediksn. joi la .einar.melax ne la'o zoi Purrkur Pillnikk zoi ku joi la gutlaugur.otarsn. joi la sigtrygur.baldursn. joi la birgir.mogensen. ne Þeyr .i ba le pu'u finti gi'e sevzi tigni noi djedi li 14 kei cfari fa le cnino bende no'u la'o zoi Kukl zoi to se smuni lu makfa li'u toi zi'e noi se skicu fo le ka kulnrgotik bedlauzgi .i caku za'a ko'a co'a ckaji tu'a le'e krixa ja cmoni sanga tadji .i la kukl. joi la'o gy. Crass gy. noi brito bedlaupatzgi jebo naljectasi'o zukte cu pu nu tigni litru simxu di'o la .istlant. .i baku ky. vitke le ritgugde ca'o le pu'u tigni zukte joi la'o gy. Flux of Pink Indians gy. .i ky. joi fy. cupra re grizgi no'u la'o gy. The Eye gy. de'i li 1984 ku ce la'o gy. Holidays in Europe gy. de'i li 1986 ku zi'e noi ra'i la'o gy. Crass Records gy.

ni'o la kukl. tolgunma binxo fi'o pagbu nibli le nu le pe vo'a ku'o rejykag no'u la'o gy. Gramm gy. sisti binxo .i ca le crisa be li 1986 so'o le cmima be la kukl. ku joi la'o zoi Medusa zoi noi tolmaisi'o zukte bende cu simxu le pu'u finti le larcu girzu me'e la'o zoi Smekkleysa zoi to se smuni lu ka xlali nelci li'u .i le jaivi stuzi le kamzgike canlu poi se zasti le bende no'u pu la'o zoi Kukl zoi zi'e ku'i no'u ba la'o zoi The Sugarcubes zoi .i ti'e tu'a le re bende cu zukte cfari de'i le mu'e le bersa pe la biork. zi'e no'u la sindrir. cu jbena

la'o zoi Debut zoi[stika ti | stika lo krasi]

la cfari de'i li 1993

ni'o ba le nu sepli le girzu no'u la'o zoi The Sugarcubes zoi by klama la london tezu'e le nu kupygau le sevzi gunfri .i by cfari gunka joi la nelij.xupar noi zgirejgi'a zi'e ne mu'a la'o zoi Massive Attack zoi .i le'i simxu cu finti le pamoi be le'i ravgug mistam pe by ku me'e lu remna tarti li'u to la'o zoi Human Behaviour zoi toi .i le pamoi be le'i by grizgi ku me'e la'o zoi Debut zoi goi la cfari cu se gubgau de'i le midju be le 1993moi nanca .i jebo ra mansa lei lanli le ka xamgu .i mu'a ra se tcita ge lu le'i grizgi pe le nance li'u gau la ny.my.ebu to la'o zoi NME zoi gi ji'a lu le seldudyplatinama li'u di'o le merko gugde .i de'i li 1994 vi le nu brito si'arseldu'a to la'o zoi The Brit Awards zoi by jinga da pe le'i traji datygu'e fetpre cebo ninpre[1]

ni'o le bi'unai grizgi cu se pagbu ge le'i selsa'a poi pupuze'u se finti by ca le pu'u ri verba gi le'i pemci be fi by joi la nelij.

la'o zoi Post zoi[stika ti | stika lo krasi]

la balvi de'i li 1995

ni'o ca li 1994 by xrukla le rejgauzda tezu'e le nu troci tu'a le remoi le'i grizgi kei joigi la nelij. gi la trikik. gi la gram.masis. ne la binobi.tcini. gi la poi dicyzgifi'e ku'o xauis.by. .i le grizgi me'e la'o zoi Post zoi lu'u goi la balvi se pagbu le'i selsa'a pe le ka gu'onai simkansa ja prami gi simfapro ja fengu .i to si'a la cfari toi go'i ji'a lei selsa'a poi pupu se finti .i by xusra le du'u la balvi cu zmadu la cfari le ni se finti vo'a

la'o zoi Homogenic zoi[stika ti | stika lo krasi]

la manfo de'i li 1997

ni'o de'i li 1997 gubgau la'e lu la'o zoi Homogenic zoi lu'u goi la manfo .i ri skicu le nu by jai mutce se galfi fi le ka simlu lo ba'e crida ku poi pumo'u makcu ca la cfari ku bi'o la balvi .i by binxo simxu joigi la noi zgifi'i zi'e ne la ly.fy.obu (LFO) ku'o mark.bel. gi la xaui.by. gi ji'a la iumir.deodatot. fe le nu gasnu tu'a le ti cnino grizgi .ijebo lidne so'i lo gafselzba

ni'o la manfo cu ba'o pamoi le'i se'igidysidbo finti gi'e te surma le du'u me pa lei traji be le ka gu'a sisnintadji gi sezlacri nalsezycinri .i go'i ta'i lei banli ke daxril ku poi zgike morna be le natfy'islanta tumla ku'o to mu'a le selfi'i me'e la .ioga. (Jóga) poi mixre joigi lei so'i nalsa'ejgita gi lei jdari pe'a dicysna

la'o zoi Vespertine zoi[stika ti | stika lo krasi]

la ctegau de'i li 2001

ni'o la'e lu la'o zoi Vespertine zoi lu'u goi la ctegau cu se gubgau de'i li 2001 .i le go'i tarmi le sivni menli munje pe by gi'e ckaji le ka gu'e cmadaxril sance gi kumfa zgibe'e gi voksa co senta jabo smaji .i pemci le'e za'i ralci pruxi

ni'o le pu'u by farvi cupra ra cu se kansa ge la noi sance sistad jebo sazgau ku'o matmos. (Matmos) gi la noi dansk zgija'o ku'o tomas.knak. gi la noi nintadji rajygitgau ku'o zinan.parkins. .i jai me le krasi be lei pemci fa ge la .ebu.ebu.kamings. gi la noi xarmonin.korin. gi la sarar.kein.

la'o zoi Medúlla zoi[stika ti | stika lo krasi]

la stani de'i li 2004

ni'o la'e lu la'o zoi Medúllala zoi lu'u goi la stani cu se gubgau de'i li 2004 .i le go'i noi ba le re bi'unai sazysi'o selfinti ku'o puba'o ta'i nalvelpruce .i ku'i ca le pu'u rejgau zbasu kei by jdice le du'u ra .ei mulno le ka loi voksa cu jicmu ce'u .i ja'e piso'e lei sance pe ra cu se sabji lei voksa gasnu to ku'i so'e lei sance cu se galfi le zu'o dikca sazri .i me lei voksa gasnu fa ge la tagak. gi la razel. gi la dokata. noi ponjo gi la maik.patn gi la robart.uat. ne la ranti minji gi le so'o drata

la'o zoi Volta zoi[stika ti | stika lo krasi]

la volta de'i li 2007

ni'o le xamoi le'i by rejgauzda grizgi ku me'e la'o zoi Volta zoi goi la volt cu se gubgau de'i li 2007 .i le go'i cu se ralju sazri bo gidva finti by gi'e ji'a te pruce tu'a ge la noi zgirejgi'a ku'o tinbaland gi la antonin.xegartit gi la sion. gi le drata

vrici[stika ti | stika lo krasi]

  • le ko'a rejykag no'u la'o gy. One Little Indian gy. cu xusra le du'u le'i ko'a grizgi ba'o se vecnu fo li su'o 15ki'okio di'o loi vrici gugde[2]
  • ko'a se vamgau fi ge le 36moi be la'e la'o gy.The 100 Greatest Women in Rock and Roll gy. ne la'o gy. VH1 gy. gi le 8moi la'e la'o gy. 22 Greatest Voices in Music gy. ne la my.ty.vy.

selsitna[stika ti | stika lo krasi]

  1. The Brit Awards
  2. Inside Björk DVD documentary (2003). Documentary spanning Björk's musical career.

bartu velbej[stika ti | stika lo krasi]