badna

.i la'o zoi. Wikipedia .zoi krasi
lo badna ru'u lo badna spati vau bu'u lo cange

ni'o lo badna cu spati la'o ly. Musa .ly .i zo badna cu valsi lo grute be lo badna be'o ji'a .i lo badna grute cu kruvi gi'e miltre li 120 bi'i 300 lo ni clani .i lo badna spati cu barda naltricu gi'e mitre li 2 bi'i 8 .i lo pezli cu mitre li 3.5 .i lo badna cu jbari poi se cupra so'i xrula spati

ni'o lo rarna badna cu vasru so'i tsiju noi miltre li ji'i 15 .iku'i lo'e cange badna cu gincibmei gi'enai ka'e se tsiju

ni'o ne'i la pilipinas. bau le bangrtagaloga zoi ty. saging .ty. cu cmene lo badna .i ne'i le bindo bangu zoi by. pisang .by. cu cmene lo badna

velski[binxo | stika lo krasi]

ni'o lo badna spati cu le brarai nalmudri xrula spati .i ro le pagbu be lo badna spati be'o poi zvati ga'u le tumsfe ku'o cu se krasi lo stura noi se cmene zo baljykemgejystani .a zo genjrkormi .i lo spati so'eroi cu rajycla gi'e jdari gi'e cafne sremlu lo ka tricu ki'u lo nu ckini da poi simlu lo nu ricystani .i ki'u da fatci tsustani po'o no'u jifstani .i lo badna cu zasti va'o so'i lei dertu .i .ei le dertu centre li xano to 60 toi lo ni condi vau gi'e ckini lo ka xamgu rinci kei gi'e na denmi .i lo pezli be lo badna spati cu gunma lo pezyspa joi lo pezba'e .i lo zbepi be lo pezyspa be'o cu ganzma lo nalspa gi'e se gunma lo jifyspa poi zbepi po'o lo spati .i lo korbi be lo pezyspa zbepi cu zvati simxu .i la'edi'u gasnu lo nu zy tubnu .i ca lo nu by banro kei lo korbi mo'ito'o simxu .i lo cange ke badna spati cu cenba lo ni rajycla fo lo selbadna je lo ba'otcini .i lo pezli nu ve ganzu cu sarlu gi'e mitre li repize lo ni clani gi'e centre li xano lo ni ganra .i frili fa lo nu lo brife py katna

vlakra[binxo | stika lo krasi]

ni'o zo badna cu cnano fi zoi xy. 香蕉 .xy noi valsi fi le jugbau ku'o ce zoi xy. banana .xy noi valsi fi le glibau ku'o ce zoi xy. कदली .xy noi valsi fi le xinbau ku'o ce zoi xy. banana .xy noi valsi fi le sanbau

jutske[binxo | stika lo krasi]

ni'o le re badna dzejutsi cu se cmene zoi xy. Musa acuminata .xy je zoi xy. Musa balbisiana .xy .i le panzi be dy cu se cmene zoi xy. Musa × paradisiaca .xy

selvi'a ji'a[binxo | stika lo krasi]