tirxu
| ?tirxu lo ka selckape cu jutre'i tcini | ||||||||||||||
|---|---|---|---|---|---|---|---|---|---|---|---|---|---|---|
 tirxu la .bengal.
| ||||||||||||||
| saske terganzu | ||||||||||||||
| ||||||||||||||
| Panthera tigris Linnaeus, 1758 | ||||||||||||||
vipfrejutsi
| ||||||||||||||
|
lo tirxu be la'o ly. Panthera tigris .ly. cu mabru la'o ly. Felidae .ly. .i lo tirxu cu re'ucti kalte gi'e brarai je tsarai lo zasti ke mlatu jutsi
ni'o lo makcu nakni cu ki'ogra li 200-320 gi'e clani mitre li 2.6-3.3 .i lo makcu fetsi cu ki'ogra li 120-180 gi'e mitre li 2.3-2.75 .i lo cabna ke zasti vipfrejutsi cu se cmarai lo tirxu be la .sumatras. gi'e se brarai lo tirxu be la .siberias.
ni'o so'e tirxu cu xabju lo ricfoi .a lo sasfoi vu'o noi bu'u ke'a ge lo skapi ve mipri cu prane mapti gi frili fa lo nu kalte lo zmadu be fi lo ka sutra .i lo tirxu cu vlipa limna gi'e so'i roi jinru lo lalxu .a lo rirxe .i lo tirxu cu nonkansa lo nu kalte
ni'o lo remna po'o cu kalte lo tirxu .i so'a xadni pagbu cu se pilno lo tcaci ke jungo micyske lo mutce vrici noi mu'a cortu bandu gi'a cinse trina .i lo nu flapro kalte gi'e vanbi daspo cu jdikyri'a lo tirxu lo ka te kancu .i pu za lo ctona'a za'u 100,000 tirxu cu zasti .i nau ku me'i 2,500 makcu je ferti tirxu cu go'i