ropno gunma
ni'o le rongunma cu gugde gunma la beljik. joi la bylgAri,as. joi la danmark. joi lo dotygu'e ku joi la .erin. joi la .estis. joi lo fasygu'e ku joi la .italias joi la kipros joi la lEtsyburg joi la lietuvas. joi la lytyvi,as. joi la madjiar joi la maltas. joi la nederland. joi la .osteraix. joi la polsk. joi lo potygu'e ku joi lo ritygu'e ku joi la romyni,as. joi lo sangu'e ku joi la sferies. joi la slovEni,as. joi la slovensk. joi la su,omen. joi la tcesk.republik. joi lo xesygu'e
ni'o co'a se finti ca la 1957moi pa'u xa gugde gi'ebabo so'oroi zenba .i co'a rezemei ca la 2007moi
citri
[binxo | stika lo krasi]
ni'oni'o de'i li 1950 pi'e 5 pi'e 9 la robert.cuman. noi jatna le gugbartu trupau po la fasygu'e ku'o cu stidi tu'a lo gugdygunma pe loi kolme joi gasta ku voi jai sarcu lo jamna
.ide'i le bavla'i nanca le gugde xamei be la fasygu'e kuce la sicydotygu'e kuce la .italias. kuce la'i beneluks. no'u lu'i la nederland. ce la beljik. ce la lEtsyburg. cu tugbi'o la parIs. zei veltu'i ku poi finti de'i le 1952moi. la ropno ke kolme joi gasta girzu goi .ebucy.sy.cy. .iri binxo co turni la rur noi gugrkruca se turni ja'i la monet. zei selpla ku ba la 1946moi .i .ebucy.sy.cy. se pagbu la galtu catni noi ba binxo la ropno selylacri ku'oku .e la gunma truseljmaji noi ba binxo la ropno truseljmaji .i krasi jatna ra fa la jon. monet. fa'u la paul. xenris. spak.
ni'o de'i la 1957moi roleca'a se gunma cu tugbi'o le rom.zei veltu'i poi jai finti la ropno ke selvenci'e girzu[1] goi .ebu.ebu.cy .e la ropno ke ratnejni girzu no'u la .e,Uratom[2][3]
le ci girzu noi koljolgasta jo'u selvenci'a jo'u ratnejni girzu cu simsepli gi'eku'i selfa'i la gunma truseljmaji .ele flapaizda .i jatna .ebu.ebucy. ge'e fala valter. xalctain. .e la e,Uratom. ge'e fala luis .arman seli'e la .eti,En. xirc.
ni'o ca la 196moi 10mei co'aca'o jdika loka sarxe .i la fasygu'e ca'o troci lonu jitygau loni gugmau jitro kuku .e lonu tolcru lonu la gligu'e co'a cmima .iku'i ca la 1965moi co'i tugni fo lo zu'o tolsepygau leci girzu .isemu'ibo tugygau la nuntolsepli veltu'i ku vi la brusel. .i ra co'a se sazri de'i li 1967pi'e7pi'e1 gi'e finti la ropno sotce'u .e la ropno selylacri .i la jon. res jatna ri
ni'o ca la 1973moi ku co'a cmima fa la danmark. .e la .erin. .e lo ritygu'e .i le turni be la noreg. pu placasnu lo nu ri cmibi'o .iku'i loi flaselgu'e be ri cu gumcuxna lo nu na'e cmibi'o .iseku'ibo ri ca'o nalcmi
selsitna
[binxo | stika lo krasi]- ↑ lo ropno ke korgretro gunma zoi .url ena.lu. url
- ↑ lo ropno ke ratnejni cecmu zoi .url ena.lu .url
- ↑ lo panpi rontu'a vau le nu cfari pe le nu simdju zoi .url europa.eu .url