du la .linys. .torvoldz.

.i la .linys. .torvoldz. cu zvati la .linukskan. .iurop. pe li ny. re no pa vo

ni'o la .linys. .torvoldz. no'u la'o zoi. Linus Benedict Torvalds .zoi noi jbena fi li ny. pa so xa so ly. pa re dy. re bi cu kulnrsu'omi joi merko .i ly ty. skezu'e lo samtci .i ly ty. ralju favgau la .linuks. noi samcmuralju je pu co'a se pilno so'i me la .linuks. ku samcmu cei broda .i la .android. je la .kromo'es. cu mupli lo ka ce'u broda .i ly ty. finti la .git. ji'a noi fatri ke farvi jitro ciste je la .sypsrfys. noi samtci lo nu vreji ja platu fi lo nu nityjirkla .i la .teknaladjis. .akademis. .finland. pu salci lo nu ly ty. pu finti pa zifre samcmu poi cnino kei je tu'a la'o zoi. 山中 伸弥 .zoi lo nu ty. .a bu fy. dunda la'o zoi. Millennium-teknologiapalkinto .zoi pe li ny. re no pa re .i ji'a ly ty. te dunda la'o zoi. IEEE Computer Society Computer Pioneer Award .zoi pe li ny. re no pa vo ge'u je la'o zoi. IEEE Masaru Ibuka Consumer Electronics Award .zoi pe li ny. re no pa bi

nunji'e .i jibri

krasi nanca

ni'o la .linys. .torvoldz. pu jbena fi li pa so xa so la .xelsinkis. ne lo gugdefu'i .i ly ty. panzi la .anas. .torvoldz. je la .nils. .torvoldz. vu'o noi na'o te nuzba ku'o je cu se riryrirni la'o fy. Leo Törnqvist .fy. noi skepre lo datni ku'o je la'o fy. Ole Torvalds .fy. noi na'o te pemci .i ro le re rirni be ly ty. pu no'e fadni va la'o fy. Helsingin yliopisto .fy. noi balcu'e ku'o ca le dekna'a poi cfari ca li pa so xa no .i lei lanzu pe ly ty. cmima lo xabme'a poi se bangu lo bangrsfe'enska .i ly ty. se mitcmepre la .linys. .polin. noi merko je cu skepre lo xumske je cu te dunda la .nobel. .praiz. .i ku'i bo ly ty. cusku fo la'o gy. Rebel Code: Linux and the Open Source Revolution .gy. noi cukta ku'o lo se du'u ly ty. jinvi lo du'u la .linys. poi selylispre la .pinyts. cu dunli mitcmepre kei je cu te se pinka lo du'u pe'a ly ty. te dunda be la .nobel. .praiz. be'o ke xumske skepre jo'u cu ralte be lo ckagai ku se muvyxra