rokci pelji jinci

ni'o la rokci pelji jinci goi ko'a cu xance javni se kelci lo re mei .i cafne fa lo nu lo verba cu kelci ko'a .i cafne fa lo nu ko'a se pilno fi lo nu cunso cuxna

kelci

.i rokci	.i pelji	.i jinci

ni'o le re kelci cu kancu fi li ci li pa .i ca lo nu le kelci cu cusku zo ci kei le kelci cu gasnu lo nu lo degji be vo'a cu morna lo rocki .a lo pelji .a lo jinci .i lo ro tolselpe'a degji cu morna lo rokci .i lo ro selpe'a degji cu morna lo pelji .i lo re selpe'a je sepsi'u degji cu morna lo jinci

ni'o ci da cu javni le ka jinga kei

1. .i lo kelci poi cuxna lo rokci cu jinga fi lo kelci poi cuxna lo jinci to lo rokci cu porpygau lo jinci toi
2. .i lo kelci poi cuxna lo jinci cu jinga fi lo kelci poi cuxna lo pelji to lo jinci cu katna lo pelji toi
3. .i lo kelci poi cuxna lo pelji cu jinga fi lo kelci poi cuxna lo rokci to lo pelji cu gacri lo rokci toi
4. .i ganai lo ro re kelci cu cuxna lo mintu simxu morna gi ro lo kelci cu no'e jinga