dainosorz.

ni'o la dainosorz. goi ko'a se tivni fa la'o gy. ABC television network gy. ba li 26 pi'e 4 pi'e 1991 ca li 20 pi'e 7 pi'e 1994 .i ko'a lisri lo remna ckaji dinsauru .i lo voksa dracyka'i ce lo xadni dracyka'i ce lo flira dracyka'i cu ficysi'u

lisri jicmu

ni'o li ni'u 60,000,003moi nanca cu temci ko'a .i la pandji,as. stuzi ko'a .i ko'a lisri lo lanzu mu la senkleir. .i la .yrl.senkleir. patfu .i la fran.senkleir. mamta .i la rabis.senkleir. bersa .i la carlin.senkleir. tixnu .i la beibis.senkleir. cifnu .i la efyl.feleps. rirmamta

ni'o la .yrl. se le'ipli la retcfild. fo lonu catke vimcu lo tricu .i la rois.xes. la yrl. kansa lo ve le'ipli gi'e zanrai pendo

ni'o da kinpau lo vanbi be lo mivmu'e .e loka naru'etolza'i kei .e lo krali be lo ninmu .e loka cinse xlatarti kei .e loka lo ninmu cu terkai lo datci kei .e loka bangu junle kei .e lo krali .e loka xadni xratai kei .e loka maltcu kei .e loka sezgletu kei noi simsa lonu la rabis. cinse dansu kei ku'o .e loka natpai kei noi simsa lonu lo reltuple dinsauru cu damba lo vontuple dinsauru kei ku'o .e loka mintu nilnalci'o bapli kei .e lo krali be lo liryraixa'u prenu be'o noi simsa lonu lo dinsauru cu damba lo kevzda remna kei ku'o .e loka terkagni zekri kei .e loka lo zuktruci'e cu zunti lo rirni kei .e loka mitcinpa'i kei .e loka panpi

ni'o va'o lo kinpau poi se cmene la'o gy. I Never Ate for my Father gy. ku'o la rabis. cuxna lonu citka lo stagi kei lonu citka lo rectu .i go'i simsa loka mitcinpa'i kei .e loka stagycti kei .e lo guntrusi'o .e loka maltcu kei

ni'o ca lo va'o lo romoi tivcitsi lo kinpau poi se cmene la'o gy. The Greatest Story Ever Sold gy. ku'o sitsku loka lijda kei ba lonu la'i senkleirz. djica lonu djuno lo krasi be loka zasti .i lai .eldyrz. finti lo cnino krici ciste .ije lo kamjicka cu sisti lonu krici lo saske kei gi'e bebna cfagau lonu krici lo platu lijda