.santyfei. celgunta ckule

ra'i Wikipedia
Jump to navigation Jump to search

.i lo te celxa'i pu gunta bu'u lo ckule be la .santyfeis. de'i li ny2018ly5dy18 .i 10 prenu pu cecla mrobi'o .i 13 drata pu selxai .i da'a re ri spita cliva .i lakne fa lonu pa ri baze'i lo djedi be liso'o ku stali lo spita

.i lo pulji cu zukyzeikri je se pinfu fa la'o gy. Dimitrios Pagourtzis .gy goi ko'a noi jai nanca li17

nu gunta[stika ti | stika lo krasi]

.i celgunta lo larcu selctuca de'i li ji'i cy7my40 .i pa se xrani noi me ri cu cusku losedu'u lo celgunta cu fargau lo drata prenu gi'e cusku losedu'u ba catra ra

.i du'o lo viska lo se ctuca goi ko'e cu rivbi fi tu'a lo socku'a be lo larcu ctuku'a gi'e vrogai pagre se celgunta ko'a .i ko'a cliva .isemu'ibo ko'e cliva lo socku'a gi'e troci lonu fanta tu'a lo vrogai .i ko'a catke kargau .i ca lonu penmi pa me ko'e poi slabu cu cusku lo ve zilfanva be fo lu .uesaidai li'u gi'e zukte lo celgunta xrani be fo tu'a lo cutne

.i lo pulji cu celgunta damba ko'a .iri'abo pa pulji cu se xrani gi'e se spita .i lo pulji troci lo jai randa .i ko'a da'arta'a je capti'i be lonu celgunta je cecla be so'oroi .i ko'a se xrani je randa .i ko'a cusku fi lo pulji fe losedu'u puku troci lonu catra lo se celgunta gi'e se snura lo nelci tezu'e lonu lisri

.i ko'a celgunta fo re da noi se ponse lo patfu .i penmi lo vrici jbama lo ckule .e na'ebo ri .i kajde lo va xabju

.i pifygau re drata be ko'a

se gunta[stika ti | stika lo krasi]

.i catra bi se ctuca .e re ctuca vu'o no'u

  • la'o gy. Jared Black .gy noi jai nanca li17
  • .e la'o gy. Shana Fisher .gy noi jai nanca li16
  • .e la'o gy. Christian Riley Garcia .gy noi jai nanca li15
  • .e la'o gy. Aaron Kyle McLeod .gy noi jai nanca li15
  • .e la'o gy. Glenda Anne Perkins .gy noi ctuca je jai nanca li64
  • .e la'o gy. Angelique Ramirez .gy noi jai nanca li15
  • .e la'o gy. Sabika Sheikh .gy noi jai nanca li17
  • .e la'o gy. Christopher Stone .gy noi jai nanca li17
  • .e la'o gy. Cynthia Tisdale .gy noi ctuca je jai nanca li63
  • .e la'o gy. Kimberly Vaughan .gy noi jai nanca li16

se zukyzeikri[stika ti | stika lo krasi]

.i du'o lo se ctuca ko'a se kuskei so'o se ctuca .e so'o ctuca .i lo xe ckule cu nafxu'a lodu'u lo se ctuca cu kuskei .i lo pu ctuca be ko'a cu skicu fo loka nonsku jeku'i na'e tolkufygau nonsku ku gi'e pu nonroi xlamu'ijijnu fi lo se ciska ja te pixra .i ko'a kulsinma gi'e ckule bemboijvi

.i ko'a te skami sivykarni lodu'u ko'a pu platu fi lonu gunta je sezycatra

lanzu[stika ti | stika lo krasi]

.i lo lanzu be ko'a cu cusku losedu'u betri je spaji ri ku .e losedu'u ckire lo sutrydjuspu keiku gi'e cpedu tu'a loka sivni

nu zergausku[stika ti | stika lo krasi]

.i fe ko'a zergausku fi pano mrovelsfanuncatra .e lo truseljibri nunytceguntyzei gi'e pinfu fi'o zifryva'i zi'o .i ko'a se flaka'i lo te pleji be lo rirni

.i na'o la .teksys. mrovelsfa dukte .iku'i tu'a lo na flama'u cu kusru je rirci nunsfa gi'e dukti lo raifla ca'i lo se jdice be la ralju flapaigri bei tu'a la .ropr. jo'u la .SYmynz.

se frati[stika ti | stika lo krasi]

la .DAnyld.trymp. noi merja'a ku'o ba lo nu gunta cu cusku losedu'u lo zuktruci'e cu mutce troci lonu bandu lo se ctuca

.i la .betsis.dyVAS. noi trupauja'a lo ctuci'e cu cusku losedu'u sarcu fa lonu sisti gi'e lo ckule cu snura

.i la .nansis.pylosis. noi ralju la xunre trudjigri gi'e me lo merko te flacfatrugri cu badri cusku gi'e kirsku lo sutrydjuspu gi'e cpesku tu'a lo celxa'i se rinju lo flatruci'e

.i la .greg.Abyt. noi jatna be la .teksys. cu cpesku lo smaji temci be de'i li ly5dy21 cy10

.i la .dan.PAtryk. noi vipyja'a be la .teksys. cusku losedu'u lo vrogai be fu lo ckule cu dukse .e losedu'u na'e lo celxa'i cu nabmi

.i lo platu be la jmive pante be'o noi pu renvi lonu celgunta bu'u la .STONmyn.DOglys. cu cpesku lonu morji ku gi'e cusku losedu'u ca'o simsa celgunta

xe ckule[stika ti | stika lo krasi]

lo xe ckule cu platu ko'au lo jai celgunta .i re pulji noi te xarci pu zvati .i lo xe ckule cu platu lonu xarci fi lo ctuca