sozyplin

ni'o ni'o la .sozyplin. goi ko'a du lo barda plini poi lo si'o ko'a zasti ne'i lei zevypau be le tarci'e cu se da'inpei .i lo du'u ko'a zasti cu da'i ve ciksi lei nalfadni ve plini be fo so'o bancu be la .bivyplin.

selkai

ve plini

ni'o ba'a dai bi'u la .sozyplin. vu srumu'u la .remsol. fo lo gancuktai pa roi ro nanca be li vo gei pa bi'i li vo gei re .i le da'inri plini cu cnano sepli le vo'a se plini lo solminli be li ze ji'i no no noi pilji li re no lo'e se minli be lo tersei be la .bivyplin. bei zu'i .i ku'i ko'a mecrai sepli fi lo solminli be li re ji'i no no be'o noi mitre li dau gei ci .i je lo se salpo li pa no bi'i li mu no julra'o .i le carmi salpo ve srumu'u ka'e te rinka lo nu le tersei li su'e pa re no no solminli