nunjamna le gligu'e la zanzibar

ra'i Wikipedia
lo se plipe ckupau, sisku

ni'o lo nu loi gligu'e cu jamna lai zynzebar. goi ko'a cu fasnu de'i lo 27moi pi'e bivmoima'i pi'e 1896moi .i fi'o kansa 45 lo mentu ko'a cu traji tordu be lo temci be'o jamna du'o lo selciska citri .i

ni'o lo cfari jamna cu balvi lo nu ga la'o gy. Sultan Hamad bin Thuwaini gy. goi ko'e noi pu zifre selgidva lo brito diklo turni cu morsi de'i lo 25moi pi'e cinfyma'i gi lo pe ko'e selfamti no'u la'o gy. Khalid bin Bargash gy. cu catni turni lebna .i mu'i le za'i lo brito turni pu jatna zanru lo drata prenu no'u la'o gy. Hamud bin Muhammed gy. goi ko'i noi by. krici le du'u ko'i cu zmadu frili selgidva kei ku'o kei by. minde la. bargyc. lo pe ri tolralte .i la bargyc. fapro gi'e jmaji ganzu fi lo jenmi fi'o vasru ji'i 2800 lo nanmu .e lo pe ko'e xarci bloti no'u la'o gy. H.H.S. Glasgow gy. noi ke'a cu zvati marbi .i ca lo nu lo pe la bargyc. jenmi cu bandu stura zbasu tu'i lo turni dinju lo nolraitru ke bilni bloti girzu cu jmaji ganzu mu lo jamna bloti tu'i lo zvati marbi ca'u lo turni dinju gi'e benji lo nolraitru xamsi bo jenmi

ni'o ki'unai lo nu la syltan. cu zipu troci lo nu terjansu panpi fi'o krati lo merko turni prenu fi'o zvati lo daplu kei kei lo nolraitru bilni bloti girzu jamna bloti co'a cecla klama lo ralju turni dinju de'i lo cerni be lo 27 cinfyma'i be'o fi'o balvi lo nu lo brito fanmo sarcu spuda selcpedu cu fanmo ti'u lo somoi cacra .i mu'i lo za'i lo ralju turni dinju cu farlu tu'i lo selsruri be la syltan. kei sy. sutra rivbi fi'o klama lo dotco jansu dinju fi'o zvati lo nu sy. terdunda fe lo za'i snura lo nu brito kavbu kei kei .e lo nu sy. rinju xabju la dar.es.salam. pu'o selkavbu lo brito de'i lo 1916moi gi'e drata rinju xabju