me la .OIdipus. stura

ra'i Wikipedia
lo se plipe ckupau, sisku

ni'o ni'o lo me la .OIdipus. stura poi se vanbi lo menli terlanli pe la .zikmunt.froit. cu menli cinse ke verba velfarvi .i la .froit. goi fy. xusra lo du'u vy. goi ro verba no'u ro nanla ku joi ro nixli ca le stura cu nalsanji krici lo du'u lo patfu cu bradi vy. gi'e jivna vy. fo lo ka lo mamta cu na'e fatri prami ce'u .i lo cmene be le stura cu se krasi lo xelso ranmi be la .OIdipus. noi catra lo ke'a patfu no'u la .laius. gi'e speni lo ke'a mamta no'u la .iokastas.

ni'o fi'o xusra fy. lo nu facki lo danfu be le stura cu se nitcu fi lo pu'u farvi fa lo tercinse ku joi lo sevzi .i lo danfu facki tadji be tu'a lo nixli cu frica lo nanla co'e .i ri'a bo ge zu'u lo nixli cu lifri lo nu djica lo nu co'a se pinji gi zu'u nai lo nanla cu lifri lo nu terpa lo nu ba'e co'u se pinji .i fy. birti lo du'u ro da zo'u ga da facki lo danfu gi da ba co'a bilmrnevrosi ja mitcinse

ni'o fi'o xusra fy. ro nanla .e ro nixli cu se li'i cinse djica tu'a lo mamta gi'e gunta djica tu'a lo patfu .i ku'i fi'o birti la .karl.iung. goi ky. lo ninmu cu se li'i cinse djica tu'a lo ba'e patfu gi'e gunta djica tu'a lo mamta .i lu me la .elektras. stura cu cmene le se lifri ky. .i le cmene cu se krasi lo xelso ranmi be la .elektras. noi tixnu la .agamemnon. zi'e noi djica lo nu catra lo ke'a mamta noi sidju fi lo nu platu fi lo nu catra lo la .elektras. patfu .i lo me la .elektras. stura na pagbu lo fy. menli terlanli

ni'o lo nu casnu lo nu bilma fi lo me la .OIdipus. stura cu fadni .i ku'i lo'e menli lanli cu jinvi lo du'u le stura na terbilma .i lo go'i cu birti ge lo du'u le stura cu cnano velfarvi fi ro verba gi lo du'u lo djica pe le stura cu mutce rinju gi'e nalsanji pagbu ro makcu remna menli