lojban.

ra'i Wikipedia
(Redirected from lojban)
lo se plipe ckupau, sisku
le di'u pixra cu te lanci la lojban.

la lojban. no'u lo jbobau goi ko'a cu runbau .i ko'a se finti la lojbangirz. leza'i zasti falo bangu poi se jicmu le logji gi'e zifre selcpa gi'e se pilno ku'o cale 1987moi .iji'a finti filenu cipra leka lo bangu cu xlura lonu le se bangu cu pensi

citri[stika ti | stika lo krasi]

la lojban. se lidne la loglan. noi nolmulno se finti folo sidbo befi la djeims.kuk.braun goi jy filenu cipra file se skesmadi be la sapir. .e la .uorf.

ni'o cale 1987moi so'o gunka betu'a la loglan. be'o goi ko'e cu fendi le girzu fola loglan. ki'uleza'i jy finca'i le bangu gi'e djica lenu mutce jitro lei selci'a .i ko'e cu ganzu fila lojbangirz. mu'ilenu finti lo cnino logji bo bangu .ibazabo la lojban. cu co'a zmadu la loglan. leka vajni .i la lojban. cu nau bangu ji'i panono prenu

krasi[stika ti | stika lo krasi]

le lojbo gerna cu se krasi le bridi logji .i lei valsi cu se krasi xa bangu .i se krasi la jugbau. .e la glibau. .e la sanbau. .e la xinbau. .e la rabybau. .e la rukybau. .i lo skami cu finti lo valsi poi traji leka simsa lo valsi be ro le di'u bangu

banba'uci'e[stika ti | stika lo krasi]

la lojban. pilno reci se bacru .e ci no'e se bacru .i xa se bacru po'u me'o .abu .ebu .ibu .obu .ubu .ybu cu karsna .i paze se bacru po'u me'o by cy dy fy gy jy ky ly my ny py ry sy ty vy xy zy cu zunsna .iji'a me'o slaka bu .e me'o .y'y cu te sepli lo slaka lo slaka .i lo zunsna cu pu'i lamji lo drata zunsna .iku'i no voksa ke spoja je mosra zunsna cu pu'i lamji lo nalvoksa zunsna soi vo'a vo'e

lerfu[stika ti | stika lo krasi]

a b c d e f g i j k l m n o p r s t u v x y z . ' ,

ni'o lo lojbo selyle'u cu se cmima 26 lerfu .i xa da lerfu fi lo karsna to ku'i vo drata ji'a cu su'o roi karsna simsa gi'e midju lo slaka toi .i 19 de lerfu fi lo zunsna to ku'i re karsna lerfu no'u .ibu jo'u .ubu cu zunsna simsa va'o lo nu lidne lo karsna toi .i lo ro moi lerfu no'u slaka bu cu sinxa lo te sepli lo slaka lo drata slaka gi'e na se pilno fi tu'a lo fadni se ciska

ni'o su'o prenu su'o roi pilno su'o sinxa lo nu basti lo mulno valsi noi mu'a namcu cmavo gi'a lerfu cmavo gi'a mekso cmavo .i la'e di'u na catni se zanru tcaci

sinxa 0 1 2 3 4 5 6 7 8 9 % /
valsi no pa re ci vo mu xa ze bi so ce'i fi'u
sinxa A B C D E F G I J K L M
valsi .abu by cy dy .ebu fy gy .ibu jy ky ly my
sinxa N O P R S T U V X Y Z H
valsi ny .obu py ry sy ty .ubu vy xy .ybu zy .y'y

karsna[stika ti | stika lo krasi]

lojbo
karsna
terle'u
crane klomidju trixe
ganlo i u
karmidju e y o
kalri a

ni'o lo karsna cu midju lo slaka gi'e kakne lo nu bacru se basna .i lo slaka midju cu ka'e re mei karsna .i lo relkarsna cu re mei lo karsna poi se gunma lo pa mei slaka

lojbo relkarsna
ai au ei oi

zunsna[stika ti | stika lo krasi]

lojbo
zunsna
terle'u
bacru selklo
ctebi
moldruti'e
relctebi tebde'i dengenja dengejyti'e moldru moldruti'e galxe
bacru
tadji
nazbi m n
spoja p b t d k g .
mosra f v s z c j x '
jbibi'o u i
pencu r
mlana jbibi'o l

slaka[stika ti | stika lo krasi]

slakykra zunsnapoi ts dz
tc dj
sm zm
cm jm
sn --
cn --
sp zb
cp jb
sf zv
cf jv
st zd
ct jd
sk zg
ck jg
--
--
mr
ml
--
--
pr br
pl bl
fr vr
fl vl
tr dr
-- --
kr gr
kl gl
xr
xl
smr zmr
cmr jmr
-- --
-- --
spr zbr
cpr jbr
sfr zvr
cfr jvr
str zdr
ctr jdr
skr zgr
ckr jgr
--
--
sml zml
cml jml
-- --
-- --
spl zbl
cpl jbl
sfl zvl
cfl jvl
-- --
-- --
skl zgl
ckl jgl
--
--

ni'o lo slaka ka'e karsna slaka gi'a zunsna slaka gi'a cmevlafa'o slaka

ni'o lo karsna slaka cu se pagbu ci da .i lo slakykra noi pa moi pagbu cu pa mei zunsna gi'a me pa lo selcurmi ke slakykra zunsnapoi .i lo slakymidju noi re moi pagbu cu pa mei karsna gi'a pa mei relkarsna .i lo slakyfa'o noi ci moi pagbu cu pa mei zunsna gi'a kunti

ni'o lo zunsna slaka cu na vasru lo karsna gi'e se pagbu re da .i lo pa moi pagbu cu pa mei karsna .i lo re moi pagbu cu pa mei karsnasmi zunsna

karsnasmi zunsna
l m n r

ni'o lo cmevlafa'o slaka cu steci lo ka lo slakyfa'o cu porsi lo zunsna jo'u lo galxe spoja zunsna

vlatai[stika ti | stika lo krasi]

ni'o ro lojbo valsi cu cmima pa lo mu tarmi klesi no'u lo cmavo jo'u lo gismu jo'u lo lujvo jo'u lo fu'ivla jo'u lo cmevla

ni'o lo cmavo cu tordu valsi to zo cmavo cu se jicmu lu cmalu valsi li'u toi gi'e se krasi pa zunsna .i lo cmavo ka'e gunma pa slaka .a re slaka .i lo re moi slaka pe lo relslaka cmavo cu ro roi se krasi .y'y .i cmavo mupli fa zo .a .e zo ue .e zo bi .e zo coi .e zo dy .e zo fa'a .i zasti fa lo ji'i 630 cmavo .i ji'a cmavo tarmi mupli fa zo mu'ei .e zo poi'i vu'o noi na catni se zanru cmavo .i lo cmavo cu se pilno fi lo nu stura lo jufra .i na frili fa lo nu jmina lo cnino cmavo le bangu

ni'o lo gismu cu mumle'u je relslaka valsi .i lo zunsna ce'o zunsna ce'o karsna ce'o zunsna ce'o karsna to zoi zoi ZZKZK zoi toi .e lo zunsna ce'o karsna ce'o zunsna ce'o zunsna ce'o karsna to zoi zoi ZKZZK zoi toi cu cumki tarmi lo gismu .i gismu mupli fa zo mlatu .e zo gerku .i zasti fa lo ji'i 1400 gismu .i na frili fa lo nu jmina lo cnino gismu le bangu

ni'o lo lujvo cu gunma lo su'o re rafsi to zo lujvo cu se jicmu lu pluja valsi li'u gi'e ku'i zo lujvo cu gismu gi'e nai lujvo toi .i lujvo mupli fa zo fu'ivla noi lujvo fo lu fukpi valsi li'u .i lo nu zbasu lo cnino lujvo gi'e jmina ly le bangu cu frili gi'e di'i fasnu

ni'o lo fu'ivla cu fukpi lo valsi be fi lo drata bangu .i lo javni be lo du'u ta'i ma kau zbasu lo fu'ivla cu na sampu .i lo valsi tarmi poi se fanmo lo karsna gie na ka'e porpi lo cmavo jo'u lo gismu jo'u lo lujvo cu fu'ivla tarmi .i cafne fa lo nu lo fu'ivla cu valsi lo danlu .a lo spati .a lo cidja .i fu'ivla mupli fa zo djirafa

ni'o lo cmevla cu se pilno lo nu cmene .i ro valsi poi se fanmo lo zunsna bi'o ke lo galxe spoja zunsna .a lo nunde'a cu cmevla .i cmevla mupli fa zo .lojban. .i lo nu pilno lo cnino cmevla cu frili

ni'o ji'a cumki fa lo nu sitna ja pilno lo fange bangu valsi bau la .lojban. .i zo zoi fa'u zo la'o se pilno fi lo nu sitna fa'u pilno .i mu'a zoi gy. quark .gy cu fange bangu valsi

gerna[stika ti | stika lo krasi]

le gerna be la lojban. cu se jicmu le bridi logji .i ro lojbo valsi cu cmima pa lo za'u panono gerna klesi be lo lojbo valsi .i gerna klesi fa lei brivla .e lei cmevla .e ro selma'o .i lei cmevla cu tarmi je gerna klesi .i ro gismu .e ro lujvo .e ro fu'ivla cu brivla to ro cmavo be zo go'i cu simsa lo brivla lo ka ka'e selbri toi .i ro cmavo cu cmima pa selma'o

ni'o lo selsku cu ta'e gunma lo jufra .i ku'i me'i ro selsku cu jufra .i mu'a lu coi pendo li'u .e lu .ui sai li'u .e lu gi'e li'u cu gendra selsku gi'e nai mulno jufra .i lo jufra cu se jicmu lo bridi .i lo bridi cu se jicmu lo selbri .i lo selbri cu se sumti su'o da .i va'o lo mulno bridi lo selbri cu ro roi se cusku .i na gerna bilga lo nu cusku ro sumti be lo selbri .i lo jufra ka'e vasru lo li'erpau noi lidne lo bridi gi'e vasru lo sumti .e nai lo selbri .i zo zo'u cu te sepli lo li'erpau lo bridi

ni'o lo saprai selbri cu valsi pamei gi'e ga brivla gi cmavo be zo go'i .i ji'a lo brivla porsi noi tanru cu selbri .i lo smuni be lo tanru cu se jicmu lo te tanru noi ro moi pagbu be lo tanru .i lo se tanru noi lidne lo te tanru cu stika lo smuni be lo te tanru .i ji'a lo mulno jufra .e lo sumti .e lo namcu ka'e binxo lo selbri .i lo cmavo be zo nu cu galfi lo selyli'e jufra lo selbri .i zo me cu galfi lo selyli'e sumti lo selbri .i lo cmavo be zo moi cu galfi lo lidne namcu lo selbri .i lo cmavo be zo moi ka'e ji'a se lidne lo me zei selbri

ni'o lo saprai sumti cu valsi pamei gi'e cmavo be zo ko'a .a zo by .i ji'a lo lerfu porsi cu sampu sumti .i lo selbri poi se lidne lo gadri .a lo namcu cu sumti .i lo cmevla poi se lidne lo cmavo be zo la cu sumti .i lo cmavo be zo li cu galfi lo namcu lo sumti .i ji'a lo vrici ke sitna valsi cu se pilno fi lo nu zbasu lo sumti

ni'oni'o te finti[stika ti | stika lo krasi]

so'o da te finti la lojban. .i di'e mupli fi da

.i cipra le se skesmadi be la sapir. joi la .uorf.

.i zmadu jimpe fileka bangu

.i xagygau lepu'u lo prenu cu tavla lo skami

.i tutci lezu'o ctuca

.i larcu finti