dilcyna'u

ra'i Wikipedia
lo se plipe ckupau, sisku

ni'oni'o lo dilcyna'u cu frinu lo rarna'u lo na'e zei no rarna'u .i li .abu fi'u by. frinu li .abu li by. gi'e ciska se sinxa zoi cy. a/b .cy

ni'o ro dilcyna'u cu ciska se tarmi ci'i da .imu'a li pafi'ure du li refi'uvo li cifi'uxa li'o .i saprai fa lo tarmi poi no da kampu terdilcu lo selfi'u jo'u lo terfi'u .i ro na'e zei no dilcyna'u cu saprai se tarmi pada

ni'o ro dilcyna'u zo'u le rebla be le saclu cu dikni .i lonu lo terfrinu cu tenfa lo tersaclu cu nibli lonu lo saclu cu selfa'o .ibova'i lo dikni rebla cu du li no .i zu'unai lonu le saclu cu dikni cu nibli lonu le saclu be fi ro zmadu be li pa cu dikni .e lonu le selsaclu cu dilcyna'u .i zo ra'e cu valsi lo nu lo saclu cu dikni .imu'a li pira'enomubibirecimuresovopapazexavore du li fi'upaze .iku'i lo nu zo ra'e cu lidne zo pi cu nibli lo fatysaclu namcu

ni'o lo zatna'u poi na dilcyna'u cu nalfi'una'u

ni'oni'o kanji[stika ti | stika lo krasi]

  • li .abufi'uby. su'i cy.fi'udy. du li vei .abu pi'i dy. ve'o su'i vei cy. pi'i by. ve'o pa'i vei by. pi'i dy
  • .i li .abufi'uby. pi'i cy.fi'udy. du li vei .abu pi'i cy pa'i vei by. pi'i dy